ევროპელი ლიდერები ყველანაირად ცდილობენ, ხელი შეუშალონ რუსეთ-აშშ-ს სამშვიდობო მოლაპარაკებებს, - ამის შესახებ რუსეთის საინვესტიციო ფონდის ხელმძღვანელმა, რუსეთის პრეზიდენტის სპეციალურმა წარმომადგენელმა უცხო ქვეყნებთან ინვესტიციებისა და ეკონომიკური თანამშრომლობის საკითხებში, კირილ დიმიტრიევმა განაცხადა.

„ევროპელი ლიდერები ყველანაირად ცდილობენ, ხელი შეუშალონ სამშვიდობო მოლაპარაკებებს და რუსეთ-აშშ-ს ურთიერთობების აღდგენას, იმალებიან რა რუსეთის მიმართ „უნდობლობის“ შესახებ სიტყვების უკან“, - დაწერა დიმიტრიევმა „ტელეგრამ“ არხზე.

ამ კომენტარით დიმიტრიევი გამოეხმაურა Politico-ს სტატიას, სადაც აღნიშნულია, რომ ევროპელი ლიდერები არ თვლიან, რომ ვლადიმერ პუტინი სამშვიდობო შეთანხმების მიმართ გულწრფელია და რომ დონალდ ტრამპის სამშვიდობო მოლაპარაკებები წარუმატებლად დასრულდება.