ბელარუსმა და ირანმა ორ ქვეყანას შორის სტრატეგიული თანამშრომლობის შესახებ ხელშეკრულების გაფორმებაზე შეთანხმებას მიაღწიეს, - ბელარუსული მედიის ცნობით, ამის შესახებ ქვეყნის პრეზიდენტმა, ალექსანდრე ლუკაშენკომ ირანის პრეზიდენტ მასუდ პეზეშკიანთან შეხვედრის შემდეგ ჟურნალისტებს განუცხადა.

მისი თქმით, მოლაპარაკებების დროს მხარეებმა კარგ შედეგებს მიაღწიეს, რაც ორმხრივ თანამშრომლობაში პოზიტიურ ცვლილებებს გამოიწვევს.

„ამ ცვლილებების კარგი შედეგი იქნება, თუ პრეზიდენტთან შეთანხმების შესაბამისად, უახლოეს მომავალში მოვამზადებთ და ხელს მოვაწერთ სტრატეგიული თანამშრომლობის შესახებ შეთანხმებას“, - განაცხადა ალექსანდრე ლუკაშენკომ.