საქართველოს მეხუთე პრეზიდენტის სალომე ზურაბიშვილის განცხადებით, ნიკა გვარამიას შეწყალებისას ის მხოლოდ საკუთარი შეხედულებისა და დისკრეციის ფარგლებში ხელმძღვანელობდა და ამ საკითხს მაკკეინის ინსტიტუტის რაიმე საქმიანობასთან კავშირი არ აქვს.

როგორც ზურაბიშვილი „ფეისბუქზე“ წერს, მაკკეინის ინსტიტუტმა პრეზიდენტს გრანტი 2025 წლის დასაწყისში შესთავაზა, რაზეც მან წერილობითი უარი 30 აპრილს განაცხადა.

„ნიკა გვარამიას შეწყალებისას, ისევე როგორც ყველა, სხვა შეწყალებასთან დაკავშირებით, საქართველოს პრეზიდენტი ხელმძღვანელობდა მხოლოდ საკუთარი შეხედულებისა და დისკრეციის ფარგლებში. 2023 წელს ნიკა გვარამიას შეწყალებას არანაირი კავშირი არ აქვს მაკკეინის ინსტიტუტის რაიმე საქმიანობასთან.

ქრონოლოგიურად კი, მაკკეინის ინსტიტუტმა პრეზიდენტს გრანტი 2025 წლის დასაწყისში შესთავაზა, რაზეც ასევე, საკუთარი დისკრეციის ფარგლებში, პრეზიდენტმა წერილობითი უარი 30 აპრილს განაცხადა”,- წერს ზურაბიშვილი.