ფრიდრიხ მერცი უკრაინაში მშვიდობის მიღწევაზე - 10 კილომეტრის მანძილზე ვართ და პირველი 200 მეტრი გავიარეთ
გერმანიის კანცლერის, ფრიდრიხ მერცის განცხადებით, უკრაინაში კონფლიქტის მშვიდობიანი გზით მოგვარების კუთხით, ჯერჯერობით, მხოლოდ მცირე პროგრესი არსებობს.
„დიახ, პირველი ნაბიჯები გადავდგით. თუმცა, გადატანითი მნიშვნელობით ვიტყვი: 10 კილომეტრის მანძილზე ვართ და შესაძლოა, პირველი 200 მეტრი გავიარეთ, მეტი არა. მაგრამ ნებისმიერ შემთხვევაში, სწორი მიმართულებით მივდივართ“, - აღნიშნა მერცმა.
მისი თქმით, გერმანიისა და ევროკავშირის ხელმძღვანელობას ჯერ არ განუხორციელებია „უფრო დიდი დიპლომატიური ძალისხმევა, ვიდრე ბოლო სამი კვირის განმავლობაში“.
მერცმა ხაზგასმით აღნიშნა, რომ რუსეთის ლიდერის, ვლადიმერ პუტინის მიერ გაკეთებული განცხადებების გათვალისწინებით, ყველასთვის ნათელი უნდა იყოს, თუ რამდენად რთული იქნება მომდევნო კვირების ან თვეების განმავლობაში შეთანხმების მიღწევის ამოცანა, თუმცა ეს მიზანი არ უნდა მიატოვონ და უკრაინაში მშვიდობის დამყარებისკენ სწრაფვა უნდა განაგრძონ.
