უკრაინის პრეზიდენტის, ვოლოდიმირ ზელენსკის განცხადებით, კვირის ბოლოს უკრაინისა და აშშ-ის წარმომადგენლების შეხვედრა გაიმართება, სადაც უკრაინასა და რუსეთს შორის სამომავლო მოლაპარაკებების შესაძლებლობა განიხილება.

უკრაინული მედიის ცნობით, ამის შესახებ ზელენსკიმ კიევში ნორვეგიის პრემიერ-მინისტრ იონას გარ სტორესთან ერთად გამართულ პრესკონფერენციაზე განაცხადა.

„დღეს გაიმართება შეხვედრა კიტ კელოგთან რუსულ მხარესთან სამომავლო შეხვედრის შესაძლებლობისთვის მზადების განხილვის მიზნით. კვირის ბოლოს კი უკრაინისა და ამერიკის გუნდების შეხვედრა გაიმართება“, - აღნიშნა ზელენსკიმ.