საფრანგეთის პრეზიდენტი, ემანუელ მაკრონი ხვალ უკრაინის პრეზიდენტს, ვოლოდიმირ ზელენსკის შეხვდება, - ამის შესახებ ინფორმაციას უკრაინული მედია ელისეის სასახლის წარმომადგენელზე დაყრდნობით ავრცელებს.

საფრანგეთის პრეზიდენტის ადმინისტრაციის წარმომადგენლის ცნობით, უკრაინის პრეზიდენტი, ვოლოდიმირ ზელენსკი პარიზში „მსურველთა კოალიციის“ შეხვედრამდე ერთი დღით ადრე ჩავა.

ასევე, მისი თქმით, 4 სექტემბერს დაგეგმილი „მსურველთა კოალიციის“ შეხვედრა უკრაინის ინიციატივით იმართება.

„შეხვედრის მიზანია იმ სიგნალის გაგზავნა, რომ სახელმწიფოებმა, რომლებიც მზად არიან და შეუძლიათ უკრაინისთვის უსაფრთხოების გარანტიების უზრუნველყოფა, გენშტაბების უფროსებისა და თავდაცვის მინისტრების მიერ გატარებული ტექნიკური სამუშაოები დაასრულეს. დღეს ამ უსაფრთხოების გარანტიების უზრუნველყოფისთვის მზად ვართ“, - განაცხადა ელისეის სასახლის წარმომადგენელმა.