რუსეთის პრეზიდენტის პრესსპიკერის, დიმიტრი პესკოვის განცხადებით, იმედი აქვს, რომ აშშ-ის პრეზიდენტის, დონალდ ტრამპის განცხადება „შეთქმულების“ შესახებ გადატანითი მნიშვნელობით იყო ნათქვამი.

„ვიმედოვნოთ, რომ ეს გადატანითი მნიშვნელობით იყო ნათქვამი და არა პირდაპირი მნიშვნელობით, მით უმეტეს, რომ არავინ არანაირ შეთქმულებას არ აწყობდა“, - განუცხადა პესკოვმა ჟურნალისტებს.

მისი მტკიცებით, შეთქმულების მოწყობის არც სურვილი და არც დრო არ არსებობს.

„შეთქმულებებს არავინ აწყობს, არავის აქვს ამის არც სურვილი და არც დრო“, - განუცხადა პესკოვმა ჟურნალისტებს.

შეგახსენებთ, დონალდ ტრამპმა პეკინში ჩატარებული სამხედრო აღლუმის კომენტირებისას, რუსეთი, ჩინეთი და ჩრდილოეთ კორეა აშშ-ის წინააღმდეგ „შეთქმულების“ დაგეგმვაში დაადანაშაულა. „გთხოვთ, გადაეცით ჩემი უთბილესი მოკითხვა ვლადიმერ პუტინს და კიმ ჩენ ინს, სანამ შეთქმულებას აწყობთ ამერიკის შეერთებული შტატების წინააღმდეგ“, - მიმართა ტრამპმა სოციალურ ქსელში გამოქვეყნებულ პოსტში ჩინეთის პრეზიდენტ სი ძინპინს.