პუტინს არავინ ენდობა, - ამის შესახებ უკრაინის პრეზიდენტმა, ვოლოდიმირ ზელენსკიმ სკანდინავიისა და ბალტიის ქვეყნების ლიდერებთან შეხვედრის შემდეგ დანიის პრემიერ-მინისტრ, მეტე ფრედერიქსენთან ერთად გამართულ პრესკონფერენციაზე განაცხადა.

„ვის შეუძლია მოგვცეს გარანტია, რომ პუტინი შემოჭრას აღარ გააგრძელებს? არავის. მან იმდენჯერ მოიტყუა, რომ მისი ნდობა არ შეიძლება“, - განაცხადა ვოლოდიმირ ზელენსკიმ.

მისი თქმით, „მსურველთა კოალიციის“ ლიდერები ხვალინდელ შეხვედრაზე აშშ-ის პრეზიდენტთან, „დონალდ ტრამპთან დაკავშირებას შეეცდებიან“.

დანიის პრემიერ-მინისტრმა, მეტე ფრედერიქსენმა აღნიშნა, რომ „უკრაინისთვის უსაფრთხოების გარანტიების ყველაზე მნიშვნელოვანი ნაწილი მისი ძლიერი არმია იქნება“.

„ჩვენ ამ ომის დასაწყისიდანვე ვამბობთ, რომ თქვენ მთელი ევროპის მომავლისთვის იბრძვით. ამიტომ, ჩვენ თქვენი მხარდაჭერა უნდა გავაგრძელოთ“, - აღნიშნა დანიის პრემიერ-მინისტრმა.