მელიქიშვილის გამზირზე, სადაც „ქართული ოცნების“ თბილისის მერობის კანდიდატის , კახა კალაძის საარჩევნო შტაბი უნდა გაიხსნას, საპროტესტო აქცია მიმდინარეობს.

შტაბის გახსნა მოქალაქეების პროტესტის ფონზე მიმდინარეობს. შეკრებილები სკანდირებენ: “მონებო, მონებო!”.

აქციის მონაწილეების მხრიდან კახა კალაძის მისამართით ისმის შეძახილები: “კალაძე მონა!”.

მომიტინგეები შეაძახილებით შეხვდნენ პრემიერ-მინისტრ ირაკლი კობახიძესაც.

ადგილზე მობილიზებულები არიან საპატრულო პოლიციის თანამშრომლები, მათ კორდონი აქვთ გაკეთებული, რის გამოც აქციის მონაწილეებს უშუალოდ შტაბთან მისვლის საშუალება არ აქვთ.