მარკ რუტემ და ვოლოდიმირ ზელენსკიმ უკრაინის უსაფრთხოების გარანტიებზე ისაუბრეს
უკრაინის პრეზიდენტმა, ვოლოდიმირ ზელენსკიმ და ნატო-ს გენერალურმა მდივანმა, მარკ რუტესთან უკრაინის უსაფრთხოების გარანტიები განიხილეს და რუსეთ-უკრაინის ომის დასრულების შესახებ პოზიციები შეათანხმეს, - ამის შესახებ ზელენსკი სოციალურ ქსელში წერს.
უკრაინის პრეზიდენტის თქმით, ნატო-ს გენერალურ მდივანთან ძალიან შინაარსიანი საუბარი ჰქონდა.
„მნიშვნელოვანია უკრაინის უსაფრთხოების გარანტიებისთვის უფრო სწრაფად მუშაობა. მნიშვნელოვანია, ამერიკასთან ერთად მაქსიმალურად პროდუქტიული ვიყოთ. მნიშვნელოვანია ჩვენი საჰაერო თავდაცვის გაძლიერება“, - აღნიშნა უკრაინის პრეზიდენტმა.
ზელენსკის თქმით, რეალური დიპლომატიისთვის კოორდინაციას გააგრძელებენ.
„პუტინი თავს ისე აჩვენებს, თითქოს მშვიდობა არ სჭირდება, რომ მას მოლაპარაკება არ სჭირდება, მაგრამ სინამდვილეში, მსოფლიოს ზეწოლას შეუძლია გავლენა მოახდინოს ომის დასრულების მიმართ რუსეთის ინტერესზე“, - აღნიშნა ზელენსკიმ.
