რუსეთზე სანქციების მეშვეობით ზეწოლა უნდა გავაძლიეროთ, - ამის შესახებ უკრაინის პრეზიდენტი, ვოლოდიმირ ზელენსკი X-ზე წერს.

ვოლოდიმირ ზელენსკის ცნობით, რუსეთმა ბოლო 5 დღის განმავლობაში უკრაინის 14 ოლქს 1300-ზე მეტი დრონით, 900-მდე მართვადი საჰაერო ბომბითა და სხვადასხვა ტიპის 50-მდე რაკეტით შეუტია.

„რუსეთი ომის გაჭიანურებას აგრძელებს და ცდილობს დიპლომატია ფარსად აქციოს. ამას ერთიანი საპასუხო რეაქცია უნდა მოჰყვეს“, - წერს ვოლოდიმირ ზელენსკი.

მისი თქმით, აშშ-ის პრეზიდენტი, „დონალდ ტრამპი მართალია და რუსეთის მიერ ნავთობითა და გაზით ვაჭრობაზე ეფექტური შეზღუდვები უნდა დაწესდეს“.

„უკრაინისთვის იარაღის მიწოდება უნდა გავზარდოთ, რათა მსგავსი შემოჭრები მომავალში აღარ განმეორდეს. ხანგრძლივი მშვიდობისთვის ნამდვილი და მოქმედი უსაფრთხოების გარანტიებია საჭირო“, - აცხადებს უკრაინის პრეზიდენტი.