ბათუმის ხელოვნების უნივერსიტეტის სტუდენტი ანრი კაკაბაძე თავისუფალია. არსებული ინფორმაციით, ანრი კაკაბაძემ, რომელსაც 9 თვით თავისუფლების აღკვეთა ჰქონდა მისჯილი, სასჯელაღსრულებლის დაწესებულება დღეს დილით დატოვა.

აღსანიშნავია, რომ ბათუმის ხელოვნების უნივერსიტეტის სტუდენტები - გიორგი დავითაძე, გურამ მიქელაძე, ანრი კაკაბაძე, დავით გვიანიძე და ლექტორი მამუკა ჯორბენაძე ბათუმში ჯგუფურად ჩადენილ ძალადობის ბრალდებით, მოსამართლის განჩინების საფუძველზე, გასული წლის 9 დეკემბერს დააკავეს.

ანრი კაკაბაძეს 9 თვით თავისუფლების აღკვეთა 25 ივნისს მიესაჯა, ხოლო სტუდენტები გურამ მიქელაძე, დავით გვიანიძე, გიორგი დავითაძე და ლექტორი მამუკა ჯორბენაძე გირაოს სანაცვლოდ გათავისუფლდნენ.

ფოტო: "პუბლიკა"