აქციის მონაწილეები, რომლებიც მელიქიშვილის გამზირზე, კახა კალაძის საარჩევნო შტაბთან იყვნენ შეკრებილები, რუსთაველის გამზირისკენ მსვლელობით მიდიან.

აქციის მონაწილეებსა და სამართალდამცველებს შორის პერიოდულად იძაბება ვითარება. მსვლელობის მონაწილეებს თან მიჰყვება პოლიცია, რომლებიც აქციის მონაწილეებს ტროტუარისკენ გადასვლისკენ მოუწოდებენ.

კახა კალაძის საარჩევნო შტაბთან მომხდარი ფიზიკური დაპირისპირებისას აქციის რამდენიმე მონაწილე დაშავდა. როგორც აქციის მონაწილეები აცხადებენ, მელიქიშვილის გამზირზე მათ „ქართული ოცნების“ ახალგაზრდული ფრთის წარმომადგენლები ფიზიკურად გაუსწორდნენ. მათივე განცხადებით, დაპირისპირება მას შემდეგ დაიწყო, რაც ისინი კახა კალაძის საარჩევნო შტაბთან მივიდნენ და შეძახილები დაიწყეს.

მათივე თქმით, ადგილზე თავიდან არ იმყოფებოდა პოლიცია და ისინი მხოლოდ ფიზიკური დაპირისპირების შემდეგ მივიდნენ ადგილზე.