პარლამენტის წინ საპროტესტო აქცია მიმდინარეობს. რუსთაველის გამზირი პროტესტის 285-ე დღესაც გადაიკეტა.

პარლამენტთან შეკრებილებს ის მოქალაქეებიც შეუერთდნენ, რომლებმაც მელიქიშვილის გამზირზე აქცია გამართეს.

მოქალაქეები თავდაპირველად კახა კალაძის საარჩევნო შტაბთან შეიკრიბნენ, სადაც აქციის მონაწილეებსა და „ქართული ოცნების“ ახალგაზრდული ფრთის წევრებს შორის ფიზიკური დაპირისპირება მოხდა. აქციის მონაწილეების განცხადებით, მათ „ქართული ოცნების“ ახალგაზრდული ფრთის წარმომადგენლები ფიზიკურად გაუსწორდნენ, რის შედეგად დაზიანებები აქციის 10-ზე მეტმა მონაწილემ მიიღო. აქციის რამდენიმე მონაწილეს სამედიცინო დახმარება დასჭირდა.

ამასთან, როგორც რუსთაველზე შეკრებილები აცხადებენ, ხვალ, 9 სექტემბერს, 20:00 საათზე, კვლავ შეიკრიბებიან კახა კალაძის საარჩევნო შტაბთან.