საფრანგეთის პრეზიდენტი ემანუელ მაკრონი საფრანგეთის ახალ პრემიერ-მინისტრს უახლოეს დღეებში დანიშნავს, -ამის შესახებ ინფორმაციას BBC-ი ელისეის სასახლეზე დაყრდნობით ავრცელებს.

ელისეის სასახლის ცნობით, საფრანგეთის პრეზიდენტი, ემანუელ მაკრონი პრემიერ-მინისტრ ფრანსუა ბაირუს ხვალ შეხვდება და მისი მთავრობის გადადგომის შესახებ განცხადებას ოფიციალურად მიიღებს.

ფრანგული მედიის ინფორმაციით, ბაირუ ემანუელ მაკრონს ხვალ დილით შეხვდება.

შეგახსენებთ, დღეს საფრანგეთის პარლამენტმა ფრანსუა ბაირუს მთავრობას უნდობლობა გამოუცხადა. ფრანსუა ბაირუს პრემიერ-მინისტრის თანამდებობიდან გადაყენებას მხარი 364-მა დეპუტატმა დაუჭირა.