ედგარს რინკევიჩი რუსული დრონების პოლონეთში შეჭრაზე - სრული მხარდაჭერა და სოლიდარობა ჩვენს პოლონელ მეგობრებსა და მოკავშირეებს
ლატვიის პრეზიდენტი, ედგარს რინკევიჩი პოლონეთის ტერიტორიაზე დრონების შეჭრას ეხმაურება და აცხადებს, რომ რუსული აგრესია უკრაინაში პირდაპირ გავლენას ახდენს ნატო-ს მოკავშირეებზე.
„სრული მხარდაჭერა და სოლიდარობა ჩვენს პოლონელ მეგობრებსა და მოკავშირეებს რუსული დრონების პოლონეთში შეჭრის გამო. ეს ნათელი დასტურია იმისა, რომ რუსული აგრესია უკრაინაში პირდაპირ გავლენას ახდენს ჩვენზე და შესაბამისი ზომების მიღება უნდა მოხდეს. მოკავშირეები ერთად მუშაობენ და უნდა მუშაობდნენ“, - წერს ლატვიის პრეზიდენტი სოციალურ პლატფორმა X-ზე.
შეგახსენებთ, დღეს დილით, რუსეთის მიერ უკრაინაზე განხორციელებული თავდასხმის დროს, დრონები პოლონეთის საჰაერო სივრცეში შეიჭრნენ. პოლონეთმა დრონების გასანეიტრალებლად ოპერაცია ჩაატარა.
