რუსეთმა უკრაინას 14 სექტემბრის ღამეს „ისკანდერის“ ტიპის ბალისტიკური რაკეტით და 58 დრონით შეუტია, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, უკრაინის საჰაერო თავდაცვის ძალებმა 52 დრონი გაანეიტრალეს.

უკრაინის საჰაერო ძალებში აცხადებენ, რომ რაკეტისა და 6 დრონის დარტყმა 3 ლოკაციაზე დაფიქსირდა, 2 ლოკაციაზე კი ნამსხვრევები ჩამოვარდა.

ამასთან, უკრაინული მედიის ინფორმაციით, 24 საათის განმავლობაში, ზაპოროჟიეს, ხარკოვის, ხერსონისა და დონეცკის ოლქებში რუსების თავდასხმების შედეგად 6 ადამიანი დაიღუპა და 28 დაშავდა.