დიდი ბრიტანეთის პოლიციის განცხადებით, დონალდ ტრამპის ვიზიტის წინ „დაგეგმილია ყოვლისმომცველი საპოლიციო და უსაფრთხოების ოპერაცია“
დიდი ბრიტანეთის პოლიციის განცხადებით, დონალდ ტრამპის ვიზიტის წინ „თითქმის ყველა შესაძლო შემთხვევისთვის“ მზად არიან, - ინფორმაციას Reuters-ი ავრცელებს.
„დაგეგმილია ყოვლისმომცველი საპოლიციო და უსაფრთხოების ოპერაცია, რომელიც თითქმის ყველა შესაძლო შემთხვევას ითვალისწინებს, რაც შეიძლება მოხდეს“, - განაცხადა პოლიციის უფროსის მოადგილემ, კრისტიან ბანტმა.
ცნობისთვის, აშშ-ის პრეზიდენტი, დონალდ ტრამპი დიდ ბრიტანეთში სახელმწიფო ვიზიტის ფარგლებში სამშაბათს, 16 სექტემბერს ჩავა.
დონალდ ტრამპი ოთხშაბათს უინძორის ციხესიმაგრეში მეფე ჩარლზ III-ს შეხვდება, ხოლო ხუთშაბათს დიდი ბრიტანეთის პრემიერ-მინისტრთან, კირ სტარმერთან მოლაპარაკებებს გამართავს.
დონალდ ტრამპი აშშ-ის ისტორიაში პირველი პრეზიდენტია, რომელიც დიდ ბრიტანეთს მეორე სახელმწიფო ვიზიტით ეწვევა.
