პოლონეთი ევროკავშირს რუსეთიდან ნავთობის შესყიდვის შეწყვეტისკენ მოუწოდებს, - ინფორმაციას Reuters-ი პოლონეთის ენერგეტიკის მინისტრზე, მილოჟ მოტიკაზე დაყრდნობით ავრცელებს.

„მოგიწოდებთ, რომ შეთანხმდეთ საერთო მიზანზე და 2026 წლის ბოლომდე რუსული ნედლი ნავთობის იმპორტი სრულად შევწყვიტოთ“, - განაცხადა პოლონეთის ენერგეტიკის მინისტრმა.

მოტიკას თქმით, „მსგავსი გადაწყვეტილება ევროკავშირს დამოუკიდებელს გახდის ნავთობისგან, რომელიც პოლიტიკურ და სტრატეგიულ რისკს წარმოადგენს“.

ამასთან, პოლონეთის ენერგეტიკის მინისტრის მოადგილემ, ვოიცეხ ვროჩნამ განაცხადა, რომ ევროპაში რუსული გაზი შეიძლება აშშ-ის თხევადმა ბუნებრივმა აირმა ჩაანაცვლოს, რომელიც პოლონეთის გავლით გადის.