დონალდ ტრამპი უინძორის ციხესიმაგრეში მივიდა, - ინფორმაციას Sky News-ი ავრცელებს.

აშშ-ის პრეზიდენტს, დონალდ ტრამპსა და პირველ ლედის, მელანია ტრამპს უინძორის ციხესიმაგრეში გაერთიანებული სამეფოს მეფე ჩარლზ III, დედოფალი კამილა და სამეფო ოჯახის წევრები დახვდნენ.

აშშ-ის პრეზიდენტი ჯარისკაცებს მიესალმა, რომლებმაც საპატიო სამხედრო დახვედრა მოუწყვეს.

ცნობისთვის, ეს გაერთიანებულ სამეფოში დონალდ ტრამპის მეორე სახელმწიფო ვიზიტია. ხვალ აშშ-ის პრეზიდენტი დიდი ბრიტანეთის პრემიერ-მინისტრს, კირ სტარმერს შეხვდება.