მოლდოვაში საპარლამენტო არჩევნების წინ ამომრჩევლების მოსყიდვასა და ფულის გათეთრებაში ეჭვმიტანილი პირების სახლებში ჩხრეკა მიმდინარეობს, - ინფორმაციას ადგილობრივი მედია ავრცელებს.

მოლდოვის პოლიციის განცხადებით, ფართომასშტაბიანი ჩხრეკა რამდენიმე ლოკაციაზე მიმდინარეობს და მას განსაკუთრებულ საქმეთა პროკურატურა (PCCOCS), განსაკუთრებული დანიშნულების პოლიციის fulger-ის რაზმი და გამომძიებლები აწარმოებენ.

მედიის ცნობით, ჩხრეკები ამომრჩევლების მოსყიდვას, პოლიტიკური პარტიებისა და კანდიდატების უკანონო დაფინანსებას და ორგანიზებული დანაშაულებრივი ჯგუფების მიერ დიდი ოდენობით ფულის გათეთრებას უკავშირდება.

შეგახსენებთ, მოლდოვაში საპარლამენტო არჩევნები 28 სექტემბერს გაიმართება.