აქტივისტ ნიკა ნარსიას მოსამართლე ლელა ცაგარეიშვილმა 15-დღიანი ადმინისტრაციული პატიმრობა შეუფარდა.

როგორც ნიკა ნარსიას ადვოკატი, გიორგი ტაბატაძე აცხადებს, აქტივისტის მიმართ რუსთაველზე გზის გადაკეტვისთვის მარტი-აპრილის პერიოდში 19 ოქმი იყო შედგენილი აქედან 3 ხანდაზმულობის გამო გაბათილდა, ხოლო დანარჩენ ოქმებთან დაკავშირებით, მოსამართლემ 15-დღიანი ადმინისტრაციული პატიმრობის გადაწყვეტილება მიიღო.

ნიკა ნარსიას ცნობით, მას ასევე გადასახდელი რჩება, თებერვლის თვეში 28 ჯარიმის საფასური.

ამ დროისთვის, ნიკა ნარსია საქართველოში არ იმყოფება. მას, სავარაუდოდ, ქვეყანაში დაბრუნებისთანავე დააკავებენ.