Reuters - დონალდ ტრამპის ადმინისტრაცია სისხლის სამართლის საერთაშორისო სასამართლოს წინააღმდეგ სანქციების დაწესების საკითხს განიხილავს
დონალდ ტრამპის ადმინისტრაცია სისხლის სამართლის საერთაშორისო სასამართლოს წინააღმდეგ სანქციების დაწესების საკითხს განიხილავს, - ინფორმაციას Reuters-ი წყაროებზე დაყრდნობით ავრცელებს.
Reuters-ის ცნობით, აშშ-ის პრეზიდენტის, დონალდ ტრამპის ადმინისტრაციამ სისხლის სამართლის საერთაშორისო სასამართლოს, როგორც იურიდიული პირის წინააღმდეგ სანქციები, შესაძლოა, მიმდინარე კვირაში დააწესოს.
გამოცემის ინფორმაციით, აშშ-ის მიერ სანქციების დაწესება სისხლის სამართლის საერთაშორისო სასამართლოს საქმიანობას საფრთხეს შეუქმნის.
ცნობისთვის, წელს აშშ-ის ადმინისტრაციამ სისხლის სამართლის საერთაშორისო სასამართლოს რამდენიმე მოსამართლესა და პროკურორს სანქციები დაუწესა.
