თუ რუსები უარს იტყვიან კეთილსინდისიერად მოლაპარაკებებზე, მგონი, ეს ძალიან-ძალიან ცუდი იქნება მათი ქვეყნისთვის. ამის შესახებ აშშ-ის ვიცე-პრეზიდენტმა, ჯეი დი ვენსმა განაცხადა.

აშშ-ის ვიცე-პრეზიდენტის თქმით, აღნიშნული ცხადი გახადა პრეზიდენტმა ტრამპა და ეს არ არის პოზიციის შეცვლა, არამედ მიწაზე არსებული რეალობის აღიარებაა.

"პრეზიდენტი [ტრამპი] ვლადიმერ პუტინს ეუბნება, რომ მკვლელობების შეწყვეტის დროა და ამას ზელენსკისაც ეტყვის - რეალურად, ზელენსკის უკვე უთხრა ეს, მას ამ ომის დასრულება სურს და ყველაფერს აკეთებს, რაც შეუძლია, მის დასასრულებლად. თუ რუსები უარს იტყვიან კეთილსინდისიერად მოლაპარაკებებზე, მგონი, ეს ძალიან, ძალიან ცუდი იქნება მათი ქვეყნისთვის. პრეზიდენტმა ეს ცხადი გახადა. ეს პოზიციის შეცვლა არ არის, ეს მიწაზე არსებული რეალობის აღიარებაა, და ტრამპის ადმინისტრაციაში ყოველ დღე გავაგრძელებთ მშვიდობისთვის ბრძოლას”,-განაცხადა ვენსმა.