სასტუმრო „ჰოლიდეი ინნ“-თან სპეციალური დანიშნულების რაზმის, პოლიციისა და სამაშველო ჯგუფების მობილიზებაა.

არსებული ინფორმაციით, ძალოვანი სტრუქტურების წარმომადგენლებმა სასტუმროში მყოფი შეიარაღებული პირი დააკავეს.

გავრცელებული ინფორმაციით, აღნიშნული პირი სასტუმროს დამსვენებელია. ადგილზე მყოფი პირების ცნობით, გასროლის ხმაც გაიგეს.

„ინტერპრესნიუსი“ შინაგან საქმეთა სამინისტროში დეტალებს არკვევს.