მეხუთე პრეზიდენტის, სალომე ზურაბიშვილის შეფასებით, მიხეილ ყაველაშვილმა გაერო-ს გენერალური ასამბლეის მე-80 სესიაზე სიტყვით გამოსვლაში უკრაინასთან თუ საქართველოს დროებით ოკუპირებულ ტერიტორიებთან მიმართებაში რუსეთის ხსენება ვერ გაბედა.

როგორც ზურაბიშვილი წერს, რუსეთის ხსენების თავიდან არიდება განსაკუთრებით მიუღებელია, როდესაც 2 დღეში, 27 სექტემბერი - სოხუმის დაცემის დღეა.

“რუსეთის ხსენებას რომ ვერ ბედავ უკრაინასთან თუ ოკუპირებულ ტერიტორიებთან მიმართებაში და ზეგ 27 სექტემბერია!“,- წერს „ფეისბუქ“ გვერდზე მეხუთე პრეზიდენტი სალომე ზურაბიშვილი, რითაც ეხმაურება მიხეილ ყაველაშვილის გაერო-ს გენერალური ასამბლეის მე-80 სესიაზე სიტყვით გამოსვლას.