თქვენი ჭირიმე, საქართველოს ნებისმიერი მოქალაქე, ვინც არ უნდა დაასანცირონ, რა თქმა უნდა, ძალიან ცუდი იქნება, მაგრამ მაგის არანაირი მოლოდინი არ არის, - ასე უპასუხა ბიზნესმენმა, „ავერსის“ დამფუძნებელმა პაატა კურტანიძემ ჟურნალისტების კითხვას: „ბიძინა ივანიშვილის მოსალოდნელი დასანქცირება დააზარალებს თუ არა ბიზნესს?“

ამასთან, მან უპასუხა მედიის კიდევ ერთ კითხვას იმის თაობაზე, „ეშინოდა თუ არა ბიზნესს 4 ოქტომბრის, რადგან პრემიერ-მინისტრმა ირაკლი კობახიძემ ბიზნესი დაამშვიდა, რომ 4 ოქტომბერს არაფერი მოხდება“.

„მე არ მახსოვს, რომ 4 ოქტომბერზე და რამე დაშინებაზე იყო [საუბარი]“, - აღნიშნა კურტანიძემ.