რუსეთი და ბელარუსი აქტიურად თანამშრომლობენ უსაფრთხოების საკითხებში, საკავშირო სახელმწიფოს უსაფრთხოების უზრუნველყოფაზე, - ამის შესახებ რუსეთის პრეზიდენტმა, ვლადიმერ პუტინმა კრემლში ბელარუსის პრეზიდენტ ალექსანდრე ლუკაშენკოსთან შეხვედრის დროს განაცხადა.

მისი თქმით, ქვეყნებს შორის თანამშრომლობის ყველა სფეროში აქტიური მუშაობა მიმდინარეობს.

„იგივე ეხება უსაფრთხოების საკითხებს, საკავშირო სახელმწიფოს უსაფრთხოების უზრუნველყოფას“, - განაცხადა რუსეთის პრეზიდენტმა.

ვლადიმერ პუტინმა მადლობა გადაუხადა ალექსანდრე ლუკაშენკოს თანამშრომლობის ყველა სფეროსადმი „ყურადღებიანი მიდგომისთვის“.

„მინდა მადლობა გადაგიხადოთ ჩვენი თანამშრომლობის ყველა სფეროსადმი ასეთი ყურადღებიანი მიდგომისთვის. ძალიან მიხარია თქვენი ნახვა, კეთილი იყოს თქვენი მობრძანება“, - განაცხადა პუტინმა.