ლატვიის საგარეო საქმეთა მინისტრი, ბაიბა ბრაჟე აცხადებს, რომ საქართველოს მთავრობის პოლიტიკა საქართველოს ევროპული გზიდან აშორებს. ამის შესახებ ბრაჟემ X-ზე დაწერა, საქართველოს მეხუთე პრეზიდენტ სალომე ზურაბიშვილთან შეხვედრის შემდეგ.

„მნიშვნელოვანი შეხვედრა საქართველოს მეხუთე პრეზიდენტთან, სალომე ზურაბიშვილთან.

საქართველოს მთავრობის პოლიტიკა საქართველოს ევროპული გზიდან აშორებს. ლატვია ქართველი ხალხის ევროპული მისწრაფებების მხარდაჭერას გააგრძელებს“, - წერს ბაიბა ბრაჟე.