თეთრი სახლი მთავრობის მუშაობის შეჩერებაში, ე.წ. „შათდაუნში“ „დემოკრატებს“ ადანაშაულებს და აცხადებს, რომ ამერიკელები არ ეთანხმებიან „დემოკრატების“ ქმედებებს.

„დემოკრატებმა მთავრობა დახურეს. ამერიკელები არ ეთანხმებიან „დემოკრატების“ ქმედებებს“, - აღნიშნულია თეთრი სახლის ოფიციალურ ვებსაიტზე.

შეგახსენებთ, აშშ-ის მთავრობა დაიხურა მას შემდეგ, რაც სენატორები ვერ შეთანხმდნენ მომავალი ფისკალური წლის დაფინანსების კანონპროექტზე. ე.წ. „შათდაუნის“ გამო, სავარაუდოდ, ასობით ათასი ფედერალური თანამშრომელი ანაზღაურების გარეშე დარჩება და ბევრი სამთავრობო პროგრამა და მომსახურება შეჩერდება.