საქართველოს ყოფილი ყოფილი პრემიერ-მინისტრი, ირაკლი ღარიბაშვილი საარჩევნო უბანზე ხმის მისაცემად იმყოფებოდა.

ის თბილისში, ფალიაშვილის ქუჩაზე განთავსებულ მე-11 საარჩევნო უბანზე მეუღლესთან, ნუნუკა თამაზაშვილთან ერთად მივიდა.

ყოფილმა პრემიერ-მინისტრმა ირაკლი ღარიბაშვილმა საკუთარი არჩევანის დაფიქსირების შემდეგ, საარჩევნო უბანი კომენტარის გარეშე დატოვა. მან მხოლოდ მცირე რეპლიკით მიმართა იქ მყოფი მედიასაშუალებების წარმომადგენლებს და უთხრა, რომ „არიან საცოდავები“.

გარდა ამისა, ყოფილმა პრემიერმა საარჩევნო უბანზე ყოფნისას მოქალაქეებთან ერთად ფოტოც გადაიღო.