რუსეთის თავდაცვის სამინისტროს ცნობით, საჰაერო თავდაცვის ძალებმა ღამით რუსეთის ტერიტორიაზე 251 უკრაინული დრონი გაანადგურეს, - ინფორმაციას რუსული მედია ავრცელებს.

მათივე ინფორმაციით, ყველაზე მეტი - 62 დრონი - შავი ზღვის აკვატორიის თავზე ჩამოაგდეს. ამასთან, 40 დრონი ჩამოაგდეს ოკუპირებული ყირიმის ტერიტორიაზე.

რუსეთის თავდაცვის სამინისტროს ცნობით, დრონები ასევე ჩამოაგდეს კურსკის, ბელგოროდის, ნიჟნი ნოვგოროდის, ვორონეჟის, ბრიანსკის, ტულას, რიაზანის, ვლადიმირის, ივანოვოს, კალუგის, ტამბოვისა და ორიოლის ოლქებში, კრასნოდარის მხარესა და აზოვის ზღვის აკვატორიის თავზე.