სლოვაკეთი უკრაინას სამხედრო დახმარების ახალ პაკეტს გადასცემს, - ამის შესახებ სლოვაკეთის თავდაცვის მინისტრმა, რობერტ კალინიაკმა კიევში, თავდაცვის ინდუსტრიის საერთაშორისო ფორუმზე განაცხადა.

„მოხარული ვარ გაცნობოთ, რომ ახლახან მინისტრ შმიგალთან ერთად დახმარების მე-14 პაკეტის შესახებ მემორანდუმს ხელი მოვაწერე“, - განაცხადა რობერტ კალინიაკმა.

ასევე, მისი თქმით, კიევში ვიზიტის ფარგლებში, უკრაინასთან ერთობლივი თავდაცვითი პროექტების საკითხებს განიხილავს.

„ჩვენ სლოვაკეთ-უკრაინის საზღვრის ორივე მხარეს ერთობლივ თავდაცვის პროექტებში ინვესტიციებისთვის მზად ვართ. სწორედ ამიტომ, სლოვაკეთის თავდაცვის ინდუსტრიის წარმომადგენლები უკრაინელ კოლეგებთან თანამშრომლობის გაღრმავების მიზნით მოლაპარაკებებს გამართავენ“, - აღნიშნა სლოვაკეთის თავდაცვის მინისტრმა.