ვიქტორ, არჩევნებში შესანიშნავი შედეგი გექნება, - ამის შესახებ აშშ-ის პრეზიდენტმა, დონალდ ტრამპმა ეგვიპტეში, მშვიდობის სამიტზე სიტყვით გამოსვლისას უნგრეთის პრემიერ-მინისტრის ვიქტორ ორბანის შესახებ განაცხადა.

„ვიქტორ, შესანიშნავი ხარ. ვიცი, ბევრი არ მეთანხმება, მაგრამ მხოლოდ ჩემი აზრია მნიშვნელოვანი. ის შესანიშნავი ლიდერია. წინა არჩევნებზე მას მხარდაჭერა გამოვუცხადე და 28 ქულით მოიგო. ახლა უკეთესი შედეგი გექნება. ახალი არჩევნები გაქვს და შესანიშნავი შედეგი გექნება. ჩვენ 100%-ით შენს გვერდით ვართ“, - განაცხადა დონალდ ტრამპმა.

აშშ-ის პრეზიდენტმა, სიტყვით გამოსვლისას იტალიის პრემიერ-მინისტრ ჯორჯია მელონისაც მიმართა.

„აშშ-ში, თუ ქალს ეტყვი, რომ ლამაზია, შენი პოლიტიკური კარიერა დასრულებულია, მაგრამ მე გავრისკავ. არ განაწყენდებით, თუ ვიტყვი, რომ ლამაზი ხართ, არა? იმიტომ, რომ ნამდვილად ლამაზი ხართ“, - აღნიშნა ტრამპმა.