უკრაინის მთავრობის დელეგაცია ვაშინგტონში აშშ-ის სახელმწიფო მდივანს, მარკო რუბიოს შეხვდა, - ინფორმაციას უკრაინის პრეზიდენტის ადმინისტრაციის ხელმძღვანელი, ანდრეი ერმაკი ავრცელებს.

ანდრეი ერმაკის ცნობით, აშშ-ის სახელმწიფო მდივანთან მოლაპარაკებებში უკრაინის პრემიერ-მინისტრი იულია სვირიდენკო, ეროვნული უსაფრთხოებისა და თავდაცვის საბჭოს მდივანი რუსტემ უმეროვი, საგარეო საქმეთა მინისტრის პირველი მოადგილე სერგეი კისლიცა და აშშ-ში უკრაინის ელჩი ოლგა სტეფანიშინა მონაწილეობდნენ.

„უკრაინისა და აშშ-ის პრეზიდენტებს შორის პარასკევს დაგეგმილი შეხვედრის მომზადების საკითხები განვიხილეთ“, - წერს ერმაკი X-ზე.

ასევე, მისი თქმით, „განიხილეს ნაბიჯები, რომლებიც რუსეთს ომის დასრულებას აიძულებს“.