სენატის უმრავლესობის ლიდერის, ჯონ ტუნის განცხადებით, რუსეთისა და მისი სავაჭრო პარტნიორებისთვის ახალი სანქციების დაწესების შესახებ კანონპროექტი პრეზიდენტ დონალდ ტრამპსა და რუსეთის პრეზიდენტ ვლადიმერ პუტინს შორის დაგეგმილი შეხვედრის გამართვამდე შეჩერებულია, - ინფორმაციას Politico ავრცელებს.

„ვფიქრობ, ისინი ამაზე ფიქრობენ - ვნახოთ, როგორ ჩაივლის ეს შეხვედრა პუტინთან რამდენიმე კვირაში“, - განუცხადა ტუნმა ჟურნალისტებს და დასძინა, რომ ის მჭიდრო კონტაქტშია რესპუბლიკელ სენატორ ლინდსი გრეჰემთან, რომელიც სანქციებთან დაკავშირებით თეთრ სახლთან კოორდინაციას ახორციელებს.

„ვფიქრობ, სულ მცირე, ახლა [გრეჰემი] თეთრ სახლთან მუშაობს იმის დასადგენად, იქნება თუ არა ნაყოფიერი დაგეგმილი შეხვედრა“, - დასძინა ტუნმა.

მეორე წყარომ, რომელიც გამოცემას ანონიმურობის დაცვის პირობით ესაუბრა, დაადასტურა, რომ კანონპროექტის განხილვა ტრამპ-პუტინის შეხვედრის დასრულებამდე, ფაქტობრივად, შეჩერებულია.

ცნობისთვის, რუსეთის სანქციების შესახებ კანონპროექტს 80-ზე მეტი თანასპონსორი ჰყავს.