უკრაინის პრეზიდენტი, ვოლოდიმირ ზელენსკი შვედეთში ჩავიდა, - ამის შესახებ შვედეთის პრემიერ-მინისტრი, ულფ კრისტერსონი სოციალურ პლატფორმა X-ზე წერს.

„მაქვს პატივი, პრეზიდენტ ზელენსკის შვედეთში ვუმასპინძლო. ძლიერი და ქმედითი უკრაინა შვედეთისთვის მთავარი პრიორიტეტია და ჩვენ გავაგრძელებთ იმის უზრუნველყოფას, რომ უკრაინამ შეძლოს რუსეთის აგრესიის წინააღმდეგ ბრძოლა. მოუთმენლად ველი ჩვენი თანამშრომლობის გაღრმავების განხილვას - ბევრი რამ გვაქვს ერთმანეთისგან სასწავლი“, - წერს ულფ კრისტერსონი.

მანამდე, შვედეთის მთავრობამ გაავრცელა ინფორმაცია, რომ ქალაქ ლინკოპინგში ვოლოდიმირ ზელენსკისა და ულფ კრისტერსონს შორის შეხვედრა გაიმართება, რის შემდეგაც უკრაინის პრეზიდენტი და შვედეთის პრემიერი თავდაცვის ექსპორტის შესახებ სიახლეების შესახებ ერთობლივ პრესკონფერენციას გამართავენ.