კახაბერ კვეკვესკირს, რომელსაც გზის გადაკეტვას ედავებიან, 14-დღიანი ადმინისტრაციული პატიმრობა შეეფარდა
თბილისის საქალაქო სასამართლომ კახაბერ კვეკვესკირი ადმინისტრაციულ სამართალდამრღვევად ცნო.
მოსამართლე კობა ჩაგუნავას გადაწყვეტილებით, კახა კვეკვესკირს 14-დღიანი ადმინისტრაციული პატიმრობა შეუფარდა.
"უშუალოდ გზის გადასაკეტად არ ვყოფილვარ. გადაკეტილზე მივედი",- განაცხადა კახაბერ კვეკვესკირმა.
შსს მას 20 ოქტომბერს, რუსთაველის გამზირის ხელოვნურად გადაკეტვას ედავებოდა.
