რუსთაველის გამზირზე, სადაც საპროტესტო აქცია მიმდინარეობს, პოლიციამ მოქალაქეები გზის სავალი ნაწილიდან გადაიყვანა. გზაზე საავტომობილო მოძრაობა აღდგა.

პოლიციამ, შესაბამისი ღონისძიების გატარება მას შემდეგ დაიწყო, რაც პროტესტის მონაწილეები გააფრთხილა, გადასულიყვნენ გზის სავალი ნაწილიდან.

პოლიციის ჯგუფი რუსთაველის გამზირზე როგორც ჭიჭინაძის ქუჩიდან, ასევე თავისუფლების მოედნის მხრიდან გამოჩნდნენ.

აქციის მონაწილეები სკანდირებდნენ: „ძირს პოლიციური რეჟიმი!”

ამ დროისთვის აქციის მონაწილეები პროტესტს ტროტუარზე განაგრძობენ.