რუსთაველის გამზირზე საავტომობილო მოძრაობა გაიხსნა
რუსთაველის გამზირზე საპროტესტო აქცია ლოზუნგით -„ბოლომდე, გამარჯვებამდე“ დასრულდა.
საპატრულო პოლიციის თანამშრომლების მოწოდების შემდეგ რუსთაველის გამზირზე საავტომობილო მოძრაობა აღდგა.
დღევანდელ აქციაზე სხვადასხვა პოლიტიკური პარტიის ლიდერები და წევრები იმყოფებოდნენ. აქციას, ასევე საქართველოს მეხუთე პრეზიდენტი სალომე ზურაბიშვილი შეუერთდა.
აქციაზე დღეს მთავრობის გადადგომის მოთხოვნა, ასევე, უცვლელი მოთხოვნები - ახალი საპარლამენტო არჩევნები და პატიმრების გათავისუფლება გააჟღერეს.
ცნობისთვის, რუსთაველის გამზირზე საპროტესტო აქციები უწყვეტად უკვე 333 დღეა მიმდინარეობს.
