რუსების მიერ ზაპოროჟიეზე დარტყმის შედეგად, ორი ადამიანი დაიღუპა და 17 დაშავდა, - ინფორმაციას უკრაინული მედია ზაპოროჟიეს საოლქო-სამხედრო ადმინისტრაციის ხელმძღვანელზე, ივან ფედოროვზე დაყრდნობით ავრცელებს.

ივან ფედოროვის ცნობით, ღამით რუსული ძალების მიერ ზაპოროჟიეზე რაკეტებითა და დრონებით განხორციელებული იერიშების შედეგად, ორი ადამიანი დაიღუპა.

ფედოროვის განცხადებით, დაშავებულთა რიცხვი 17-ს აღწევს, მათ შორის, 6 ბავშვია.

რუსეთის დარტყმების შედეგად, ზაპოროჟიეში საერთო საცხოვრებლის რამდენიმე სართული განადგურდა. ასევე, რამდენიმე საცხოვრებელი შენობა დაზიანდა.