რუსთაველის გამზირზე, სადაც საპროტესტო აქცია მიმდინარეობს, მოქალაქეებმა საავტომობილო გზა გადაკეტეს.

მომიტინგეები, რომლებიც უკვე წელიწადზე მეტია ყოველდღიურად იკრიბებიან პარლამენტთან, ითხოვენ ახალი საპარლამენტო არჩევნების დანიშვნასა და აქციების დროს დაკავებულების გათავისუფლებას.

ტრადიციულად, მოქალაქეების მიერ გზის გადაკეტვას, მოჰყვა საპატრულო პოლიციის მოწოდება იმასთან დაკავშირებით, რომ აქციის მონაწილეებმა გადაინაცვლონ გზის სავალი ნაწილიდან ტროტუარზე, რათა არ შეაფერხონ მოძრაობა. პოლიციის აღნიშნულ მოწოდებას აქციის მონაწილეების მხრიდან საპროტესტო შეძახილები და სტვენა მოჰყვა.