ჩინეთს რუსეთთან სხვადასხვა სფეროში თანამშრომლობის გაძლიერება სურს. შესაბამისი განცხადება ჩინეთის პრემიერ-მინისტრმა, ლი ციანმა ქალაქ ხანგჭოუში რუს კოლეგასთან, მიხაილ მიშუსტინთან შეხვედრაზე გააკეთა.

„ჩინეთი მზადაა რუსეთთან განვითარების სტრატეგიების შესაბამისობა და სხვადასხვა სფეროში თანამშრომლობა გააძლიეროს“, - განაცხადა ლი ციანმა.

ამასთან, ლი ციანმა მიშუსტინთან შეხვედრაზე აღნიშნა, რომ „ჩინეთი და რუსეთი კარგი მეზობლები და კარგი პარტნიორები არიან“.

ცნობისთვის, რუსეთის პრემიერ-მინისტრი, მიხაილ მიშუსტინი 4 ნოემბერს პეკინში გაემგზავრება, სადაც ჩინეთის პრეზიდენტს, სი ძინპინს შეხვდება.