გიგა წიბახაშვილს 8-დღიანი ადმინისტრაციული პატიმრობა შეეფარდა
აქციის მონაწილე გიგა წიბახაშვილი სასამართლომ ადმინისტრაციულ სამართალდამრღვევად ცნო.
მასაც, როგორც მის ძმას ლადო წიბახაშვილს 8-დღიანი ადმინისტრაციული პატიმრობა შეუფარდეს.
გადაწყვეტილება საქალაქო სასამართლოში მოსამართლე თორნიკე ქოჩქიანმა მიიღო.
გიგა წიბახაშვილი გუშინ, 3 ნოემბერს იმყოფებოდა აქციაზე. მას შსს "გზის ხელოვნურად გადაკეტვას" ედავებოდა.
