პიტ ჰეგსეტი ჩრდილოეთ და სამხრეთ კორეის საზღვარზე დემილიტარიზებულ ზონას ეწვია, - ინფორმაციას Reuters-ი ავრცელებს.

აშშ-ის თავდაცვის მდივანი, პიტ ჰეგსეტი დემილიტარიზებულ ზონაში სამხრეთ კორეის თავდაცვის მინისტრს, ან გიუ-ბექს შეხვდა.

„მჯერა, რომ ამას სიმბოლური მნიშვნელობა აქვს და სამხრეთ კორეასა და აშშ-ს შორის არსებული ალიანსის სიძლიერესა და თავდაცვის ერთობლივ პოზიციას აჩვენებს“, - განაცხადა სამხრეთ კორეის თავდაცვის მინისტრმა.

სამხრეთ კორეის თავდაცვის სამინისტროს ცნობით, ხვალ პიტ ჰეგსეტი და ან გიუ-ბექი ორმხრივ შეხვედრას გამართავენ, სადაც ჩრდილოეთ კორეის წინააღმდეგ თავდაცვით მზადყოფნასა და რეგიონული უსაფრთხოების საკითხებს განიხილავენ.