აშშ-ის ყოფილი ვიცე-პრეზიდენტი, დიკ ჩეინი 84 წლის ასაკში გარდაიცვალა, - ინფორმაციას Reuters-ი ოჯახზე დაყრდნობით ავრცელებს.

ოჯახის განცხადებით, აშშ-ის 46-ე ვიცე-პრეზიდენტი, დიკ ჩეინი ორშაბათს ღამით, პნევმონიისა და გულ-სისხლძარღვთა დაავადების გართულებების შედეგად გარდაიცვალა.

„რესპუბლიკელი“ დიკ ჩეინი აშშ-ის ვიცე-პრეზიდენტის თანამდებობას ყოფილი პრეზიდენტის, ჯორჯ ბუშის ადმინისტრაციაში 2001-2009 წლებში იკავებდა.

როგორც გამოცემა წერს, აშშ-ის ყოფილი ვიცე-პრეზიდენტი, დიკ ჩეინი 2001 წლის 11 სექტემბრის ტერაქტების შემდეგ „ტერორიზმის წინააღმდეგ ომის“ კამპანიის მთავარი შემქმნელი და 2003 წელს ერაყში შეჭრის მხარდამჭერი იყო.

ისტორიკოსები დიკ ჩეინის აშშ-ის ისტორიაში ერთ-ერთ ყველაზე გავლენიან ვიცე-პრეზიდენტად მიიჩნევენ.