რუსთაველის გამზირზე შეკრებილი აქციის მონაწილეები მსვლელობით მთავრობის ადმინისტრაციისკენ მიემართებიან.

მოქალაქეები თავდაპირველად საკანონმდებლო ორგანოს წინ შეიკრიბნენ, სადაც გზის გადაკეტვა სცადეს, რისი საშუალებაც მათ პოლიციამ არ მისცა. დააკავეს ერთი პირი.

მოქალაქეები სკანდირებდნენ: “ძირს რუსეთის დამპალი იმპერია”.

ამ დროისთვის, რუსთაველის გამზირზე გზის სავალი ნაწილი თავისუფალია.

საკანონმდებლო ორგანოს მიმდებარედ საპატრულო პოლიციის ეკიპაჟები არიან მობილიზებული.