აქციის მონაწილეებმა საპროტესტო მსვლელობის შემდეგ კვლავ პარლამენტის შენობასთან გადმოინაცვლეს.

მომიტინგეების მხრიდან მსვლელობისას ისმოდა შეძახილები: “არა რუსეთს”, “საქართველო აჯანყდი”, “თავისუფლება რეჟიმის ტყვეებს”.

მსვლელობის დროს, აქციის მონაწილეები გზის სავალი ნაწილის დაკავებას ითხოვდნენ, რაზეც სამართალდამცველებმა მოუწოდეს, რომ არასაკმარისი რაოდენობის გამო, მათ ამის უფლება არ ჰქონდათ, რამაც ადგილზე სიტყვიერი დაპირისპირება რამდენჯერმე გამოიწვია.

დღესაც, აქციის მონაწილეები საკანონმდებლო ორგანოსთან უცვლელი მოთხოვნით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.