Reuters - კოლუმბიამ აშშ-თან სადაზვერვო ინფორმაციის გაზიარება შეწყვიტა
კოლუმბიამ აშშ-თან სადაზვერვო ინფორმაციის გაზიარება შეწყვიტა, - ინფორმაციას Reuters-ი კოლუმბიის პრეზიდენტზე, გუსტავო პეტროზე დაყრდნობით ავრცელებს.
გუსტავო პეტროს ცნობით, კოლუმბიის სადაზვერვო სამსახურები აშშ-ის სადაზვერვო სააგენტოებთან ინფორმაციის გაზიარებას იქამდე შეწყვეტენ, ვიდრე აშშ კარიბის ზღვის აუზში ნავებზე თავდასხმებს არ დაასრულებს.
„ნარკოტიკებთან ბრძოლა კარიბის ზღვის აუზის ხალხის უფლებებთან შედარებით ნაკლებმნიშვნელოვანი უნდა იყოს“, - განაცხადა პეტრომ.
ცნობისთვის, ბოლო რამდენიმე თვის განმავლობაში აშშ წყნარ ოკეანეში ნავებზე დარტყმებს ახორციელებს. აშშ-ის პრეზიდნეტის, დონალდ ტრამპის ადმინისტრაციის განცხადებით, ნავებს ნარკოტიკები გადააქვთ. ბოლო მონაცემებით, აშშ-ის მიერ წყნარ ოკეანეში ნავებზე განხორციელებული დარტყმების შედეგად, სულ მცირე, 75 ადამიანი დაიღუპა.
