ჩინეთი მზადაა ესპანეთთან სტრატეგიული პარტნიორობის განვითარებისთვის ითანამშრომლოს, - ამის შესახებ ჩინეთის პრეზიდენტმა, სი ძინპინმა პეკინში, ესპანეთის მეფე ფილიპე VI-სთან შეხვედრაზე განაცხადა.

„მსოფლიოს მშვიდობისა და განვითარების ერთგული მეტი კონსტრუქციული ძალა სჭირდება. ჩინეთი მზადაა ყოვლისმომცველი სტრატეგიული პარტნიორობის განვითარებისთვის ესპანეთთან ითანამშრომლოს“, - განაცხადა სი ძინპინმა.

მისი თქმით, ჩინეთსა და ესპანეთს შორის „კავშირები სტრატეგიულად სტაბილური, დინამიური და გლობალურად გავლენიანი იქნება“.

ესპანეთის მეფე ფილიპე VI-ს განცხადებით, „ესპანეთსა და ჩინეთს შორის ნდობაზე დამყარებული ურთიერთობა ჩამოყალიბდა“.

„ესპანეთსა და ჩინეთს შორის მეგობრობა ორივე ქვეყნის ხალხისთვის სასარგებლოა და ჩვენი ქვეყნების მდიდარი ისტორიის შესაბამისია“, - აღნიშნა ესპანეთის მეფემ.